Siglir tar il cuntegn
Inhalt

Engiadina Zernez: nagin scumond per novas zonas da material da fabrica

Il suveran ha sbittà l'iniziativa dal pievel che vuleva scumandar novs fabricats ed indrizs per l'explotaziun e per la cultivaziun da material.

L'entschatta da Zernez cun tabla da vischnanca.
Legenda: A Zernez èn novas zonas da material da fabrica vinavant lubidas. RTR, Fabia Caduff

Nagina revisiun da la planisaziun locala a Zernez. Cun 175 vuschs gea cunter 225 vuschs na han ils votants da Zernez refusà l’iniziativa dals 30 da zercladur da l'onn passà che pretendeva in scumond da novas zonas da material da fabrica.

La suprastanza da Zernez aveva proponì a la populaziun da refusar questa lescha transitorica e dad uschia laschar anc avert l’opziun per ulteriuras zonas d’explotaziun.

Approvà ha il suveran da Zernez perencunter la lescha communala da chamonas. E quai cun 321 vuschs gea cunter 58 vuschs na.

RR novitads 12:00