Siglir tar il cuntegn

Header

cuntegn

Zernez/Müstair Collisiun da termin tar festa da musica e festa da chant

Pervi da corona han ils organisaturs da la festa da musica districtuala stuì tschertgar ina nova data. Sa decidids èn els da spustar la festa che fiss stada questa fin d'emna dals 20 e 21 da zercladur per in onn, sin ils 19 e 20 da zercladur 2021.

Ina decisiun che ha chaschunà per chaus cotschens tar ils organisaturs da la festa da chant districtuala. Quella era numnadamain planisada per ils 12 e 13 da zercladur a Müstair. Da manar tras duas festas districtualas entaifer in'emna en la medema regiun na saja betg pussaivel, uschia Barbara Camichel, la presidenta da l'uniun da chant districtuala Engiadina, Bregaglia, Puschlav, Val Müstair. Per l'ina na vulan ins betg concurrenzar la festa da musica, per l'autra datti intgins participants ch'èn engaschads en omaduas societads.

Spustà festa da chant districtuala

Perquai èn ils organisaturs da la festa da chant sa decidids da spustar lur festa sin il zercladur dal 2023. Jachen Kienz, il president da l'Uniun da musica districtuala Engiadina, Samignun, Val Müstair, Bregaglia, Puschlav, vesa là però gia il proxim conflict. Numnadamain ha l'uniun da musica previs il 2023 gia la proxima festa districtuala a Tschlin. Quai duai però vegnir discussiunà anc ina giada. Omaduas uniuns vulan numnadamain evitar ch'i dettia in'ulteriura collisiun da termins.

RTR actualitad 07:00

Artitgels legids il pli savens

Scrollar a sanestra Scrollar a dretga