Siglir tar il cuntegn

Header

cuntegn

Engiadina White Turf s’adatta als envierns miaivels

Las cursas da chaval dal White Turf a San Murezzan cumenzan il favrer che vegn pli baud ch'usità - numnadamain gia las 11 la damaun.

En vista als envierns pli e pli miaivels lubeschia quai d'esser pli flexibel cun il program - scrivan ils organisaturs dal White Turf. Cun quest urari saja pussibel da reagir durant tut las trais dumengias da cursa (12, 19 e 26 da favrer) uschia, ch’il «bainstar e la segirezza dals protagonists principals», numnadamain ils chavals ed ils activs, vegnia resguardà il meglier pussaivel.

Il White Turf en cifras

Avrir la box Serrar la box
Legenda: Keystone
  • 3 dumengias da cursa
  • 23 cursas
  • 70 kilometers l’ura curran chavals da cursa
  • 35’000 visitaders vegnan sin il lai
  • 2’500 meters è la cursa pli lunga sin naiv
  • 111’111 francs è la summa da victoria pli auta da la Svizra
  • 25 milliuns francs è la valurisaziun en la regiun

Ina sfida per ils organisaturs dal White Turfe e lur concept da traffic vegn ad esser, che las dus dumengias da cursas dals 12 e 19 da favrer èn durant ils Campiunadis mundials da skis.

Perquai recumondan els da duvrar il traffic public per vegnir tar las cursas sin il lai. I na vegnia betg a dar ni parcadis en la vischnanca u sin il lai, ni en la chasa da parcar Serletta.

RR novitads 12:00

Artitgels legids il pli savens