Siglir tar il cuntegn
Inhalt

Engiadina White Turf: Ils chavals curran puspè

Las temperaturas bassas han fat bain a la pista da chavals sin il lai da San Murezzan. La segunda dumengia da cursa po avair lieu. Quai resulta dad ina communicaziun da White Turf.

Chavals en la cursa.
Legenda: Els curran puspé - il segund di da cursas sin il lai da San Murezzan vegn ad avair lieu. Keystone

Uschia vegnan a sa mesirar 61 chavals da 6 pajais in 8 cursas internaziunalas.

Las temperaturas fraidas han salvà il White Turf

Silvio Staub, il president da la societad da cursas San Murezzan e ceo da White Turf, è levgià : « La notg vargada èn vegnidas mesiradas temperaturas da -20 grads sin il lai da San Murezzan. Sche quai cuntinuescha uschia, signifitga quai glisch verda per far las cursas. »

Silvio Staub suneter ina cursa cun segn da victory.
Legenda: Keystone
La notg vargada èn vegnidas mesiradas temperaturas da -20 grads sin il lai da San Murezzan.
Autur: Silvio StaubPresident da la societad da cursas San Murezzan e ceo da White Turf

Partenza a l'emprima cursa las 12:35

L’emprima cursa da la dumengia vegn ad esser il GP Wroclaw European Capital of Culture 2016 sponsurà dal White Turf Jockey Club. Suenter che las cursas dad Arosa e quellas da la fin d’emna vargada n’han betg pudì avair lieu, è quai l’unica cursa sur obstachels da l’occurrenza.

RR novitads 14:00