L'aviun pitschen dal tip Piper PA-28 cun quatter plazs saja vegnì stgarpà en plira tocca. Quella vegn uss intercurida da l'Uffizi per examinaziun d'accidents e segirtad da la Svizra (SUST).
Tenor la polizia chantunala na sappian ins nagut da nov da la giuvna da 17 onn ch'ha survivì la disgrazia cun grevas blessuras. Ella sa chatta en l'ospital a Cuira.
Trais morts ed ina blessada
L'aviun pitschen era crudà venderdi en damaun en il territori da Diavolezza sur Puntraschigna. Dus giuvens da 14 onns ed il pilot èn morts. La giuvna da 17 onns ha pudì vegnir salvada cun grevas blessuras. L'aviun è stà en l'aria en il rom d'in champ da givenils da Aero Club. La raschun per l'accident n'è anc betg enconuschenta.
RR novitads 12:00