A Samignun fa da mintga chasada ina persuna pumpier – um u dunna e quai da 21 enfin 43 onns. Totalmain èn 94 persunas registradas.
Il problem
Bleras da quellas 94 persunas èn stagiunaris che lavuran be durant la stagiun auta. E lura vegn latiers che blers indigens bandunan la val per lavurar durant l’emna. Durant in'acziun seriusa fan ins quint cun be 25 enfin 30 pumpiers. L'Assicuranza d'edifizis dal Grischun prescriva per Samignun però 70 preschents.
La schliaziun pussaivla
Ussa han la suprastanza, il cussegl communal e la cumissiun da pumpiers da Samignun preparà ina proposta a la populaziun. Quella prevesa in auzament da stuair far pumpiers enfin la vegliadetgna da 50 onns. Cun questa mesira ha il cader da pumpiers la pussaivladad d’obligar pumpiers ch'avessan cuntanschì la vegliadetgna da 43 onns, da stuair restar enavant enfin maximal 50 onns.
Il reglament da pumpiers vegn suttamess al pievel ils 19 da matg.
RR actualitad 07:00