Siglir tar il cuntegn
Inhalt

Engiadina Viver il siemi sco bostger en il Canada

A Clearwater en la provinza British Columbia ha el survegnì la pussaivladad da far in stage tar ina interpraisa svizra. Pli gugent avess el lavurà tar ina interpraisa canadaisa. Da quellas ha dentant nagina dà resposta sin sias dumondas.

Dapi passa in mais lavura el uss schon en il Canada. Ed i saja tut in auter lavurar ch'en Svizra. En emprima lingia natiralmain pervi da la grondezza. Guauds uschè gronds n'ha el anc mai vesì. Quai fa impressiun.

Il mument lavura el en in bloc ch'è 53 hectaras grond. Bler na restia betg enavos a la fin. Cura ch'els, ils bostgers, èn a fin cun la lavur, vegnan dentant ils «tree planters». Els emplantan novas plantas.

Betg per adina

Fin il december lavura e viva Adriano Coretti anc en il Canada. Silsuenter turna el en Engiadina. Emigrar en Canada fiss per el, almain il mument, nagin'opziun. Memia ferm pendia el vid la patria. Ma in mez onn qua ed in mez onn en il Canada, quai fiss ideal. Dentant saja quai quasi betg pussaivel, di el. Chattar lavur e survegnir in visum na saja numnadamain betg simpel. Gia per quest stage ha el duvrà bler temp per survegnir la plazza.

RR actualitad 07:00