Siglir tar il cuntegn

Header

video
Valsot: Dapli spazi d’abitar per indigens
Or da Telesguard dals 21.01.2022.
laschar ir. Durada: 4 minutas 53 Secundas.
cuntegn

Vischnanca da Valsot Dapli spazi d’abitar per indigens

La lescha actuala permetta da fabritgar or dad in clavà segundas abitaziuns. En connex cun l’elavuraziun da la planisaziun communala vul la vischnanca da Valsot promover la fabrica d’abitaziuns per indigens, numnadamain emprimas abitaziuns.

Ord clavas existents duessan en avegnir vegnir fabritgads mo emprimas abitaziuns e betg abitaziuns ch’en mo occupadas durant Nadal o durant la festa d’emprim avust, uschè il president communal Victor Peer. Cun questa mesira vulan els oravant tut procurar per dapli vita en vischnanca – e quai sur tut l’onn.

Plinavant ha Valsot stgaffi durant ils davos otg onns passa quaranta plazzas da lavur cun realisar ina zona da masteranza attractiva. Per il president communal èsi impurtant, che l’Engiadina Bassa resta attractiv sco lieu da lavurar. Perquai stoppian ins er procurar per spazi da viver en las vischnancas.

audio
Valsot: Dapli spazi d'abitar per indigens
ord Actualitad dals 21.01.2022.
laschar ir. Durada: 2 minutas 48 Secundas.

La planisaziun communala è en elavuraziun. La varianta da pudair fabritgar ord in clavà mo emprimas abitaziuns è dentant be la posiziun da la vischnanca da Valsot. Finalmain sto però anc la populaziun decider sur da la planisaziun communala.

RTR actualitad 17:00 / TSG 17:40

Artitgels legids il pli savens