Siglir tar il cuntegn

Engiadina Viadis cun schlitra en la Val Bever èn segirads.

La vischnanca da Bever ha chattà ina schliaziun cun ils possessurs da la parcella che vegn trapassada da la via d’access en Val Bever. Uschia pon las schlitras da chavals viagiar en Val Bever durant l'enviern.

Anc avant gnanc 2 mais na deva quai betg bleras perspectivas per avrir la via da spassegiar.
Legenda: Anc avant gnanc 2 mais n'eran las perspectivas betg bunas per pudair viagiar cun schlitras en Val Bever. RTR

La vischnanca da Bever ed il possessur dad ina parcella en Val Bever han suttascrit ina cunvegna che pussibilitescha vinavant viadis en charrotscha en Val Bever durant l’enviern. Il possessur da la parcella na vuleva betg pli permetter che la via d’enviern en Val Bever passia sur ses territori.

La vischnanca ed il possessur han firmà ina cunvegna che regla l’access en Val Bever cun ina servitut persunala. Quai resorta dad ina communicaziun da la vischnanca. Il cumpromiss saja stà pussaivel mo grazia a la prontadad d’omaduas varts.

Ni la vischnanca ni il possessur da la parcella na vulevan dar dapli infurmaziuns davart il cumpromiss.