Siglir tar il cuntegn

Engiadina Viadi musical cun vegls autos da posta

Il «Celerina New Orleans Jazz Festival» duai porscher jazz da New Orleans sut tschel avert. Il festival è dapi 20 onns lieu d'inscunter per amaturs da jazz – quai tant giasts sco indigens. Da la partida èn adina bands internaziunalas che interpreteschan il vair New Orleans Jazz.

Il festival da jazz a Schlarigna vala sco il pitschen tranter tut ils gronds festivals da jazz en Svizra. In zic pli quiet, pli privat ch'ils auters. Uschè descriva il comité d'organisaziun ses eveniment che ha lieu mintg'onn mez avust.

Da Schlarigna sur Puntraschigna e la Diavolezza enavos a Schlarigna

Punct culminant quest onn è il viadi da giubileum cun in auto da posta vegl. Ni ditg meglier: in dals tschintg autos da posta vegls. Ils dus concerts èn tranter ils viadis d'in lieu a l'auter.

  1. Stop: Valentin's Weinkeller cun Paolo Alderighi/ Stephanie Trick Double Trio
  2. Stop: Diavolezza cun Fessor Lindgren/ Thomas L'Ètienne New Orleans Ensemble

RR actualitad 11:00