Via en Val S-charl è averta per peduns e velos

A partir da las 13:00 enfin las 15:00 è la via en Val S-charl oz averta. Quai per pussibilitar transports e per possessurs d'autos ch'èn stads serrads en da bandunar la val. Suenter è la via averta adina sur notg da las 18:00 enfin las 07:00 per autos.

Val S-charl.

Legenda da maletgs: Cura che la via en Val S-charl vegn puspè averta l'entir di per tut il traffic n'è anc betg cler. RTR

Per velos e peduns è la via averta a partir da las 13:00 e resta er averta. Per autos datti oz la pussaivladad da passar la via a partir da las 13:00 enfin las 15:00. Suenter èsi reglà uschia che la via è averta adina sur notg, a partir da la saira a las 18:00 enfin la bun'ura a las 07:00.

Cura che la via po vegnir dada libra sur l'entir di per tut il traffic, n'ha la vischnanca anc betg decidì.

RR novitads 14:00