Siglir tar il cuntegn

Header

video
Perforaziun dal tunnel Val Alpetta
Or da Telesguard dals 24.11.2022.
laschar ir. Durada: 2 minutas 34 Secundas.
cuntegn

Via da Samignun Perfuraziun dal tunnel Val Alpetta è fatga

L'emprima part da la construcziun dal terz dad en tut tschintg tunnels da la via da Samignun è terminada. Il tunnel Alpetta è 630 meters lung e vegnì perfurà cun success, scriva l'uffizi da construcziun bassa.

La via da Samignun che fa accessibel il vitg davent da Vinadi, saja ina part impurtanta da la rait chantunala da vias da colliaziun, scriva l'uffizi da construcziun bassa. La via actuala saja dentant memia stretga e malsegira, ella sto per exempel adina puspè vegnir serrada pervi da privel da lavinas. Il nov tunnel Val Alpetta augmentia la segirezza da la via e porschia cun ses dus vials ina meglra circulaziun dal traffic.

audio
Perfuraziun dal tunnel Val Apletta
ord Actualitad dals 24.11.2022.
laschar ir. Durada: 3 minutas 32 Secundas.

Tut tenor plan

Las lavurs vi dal tunnel han cumenzà il settember 2021. Cun quai ch'i n'ha dà nagins problems sajan las lavurs vegnidas finidas tenor il plan da temp ed il budget. Ussa possia cumenzar la segunda part dal project che custa totalmain 28,6 milliuns. Il 2023 duain vegnir tranter auter finidas las construcziuns internas.

L'uffizi per construcziun bassa è optimistic ch'il tunnel possia vegnir avert per il traffic la stad 2024. Suenter l'avertura duain er cumenzar las lavurs vi dal terz da tschintg tunnels da la via da Samignun: il tunnel Val Cotschna.

Or da l'archiv

video
Emprimas lavurs da siglientar il tunnel Alpetta
Or da Telesguard dals 01.09.2021.
laschar ir. Durada: 3 minutas 19 Secundas.

RTR novitads 10:00

Artitgels legids il pli savens

Scrollar a sanestra Scrollar a dretga