Siglir tar il cuntegn
cuntegn

Engiadina Verd là nua ch'i era verd a Salastrains

Ils organisaturs dal campiunadi mundial èn vi da las ultimas lavurs da renatiralisaziun a Salastrains sur San Murezzan. Tut è sparì, i manca mo anc quai bel verdin da la prada

Legenda: Guardar il video Renaniralisaziun a Salastrains. Durada 02:50 minutas.
Or da Telesguard dals 09.06.2017.

La finamira dals organisaturs dal campiunadi mundial 2017 a San Murezzan è da laschar enavos la natira uschia sco quai ch'ella era avant las cursas alpinas – gieus persistents quai era lur credo. Mintga crest, mintga fora ed aual duess vesair ora sco avant. Per accumplir quella finamira han geometers registrà il terren avant a las cursas.

Il militar fa las lavurs da grop e Jon Jachen Flura da Müstair cun sia firma fa las lavurs finas. El è responsabel che l’erva creschia sin ils prads, exactamain quell’erva ch'existiva avant il campiunadi. Per cuntanscher quella finamira han ins tratg sem spezial cun exact quellas flurs che creschian sin quell’autezza ed en quai lieu a Salastrains.

Sche tut funcziuna lura vegn ad esser la cuntrada enturn Salastrains sur San Murezzan la fin da questa stad precis uschia sco avant ils gieus.

RR actualitad 17:00