Siglir tar il cuntegn

Header

cuntegn

Var 2'700 hectoliters Onn da record per la Bieraria Tschlin

Per la Bieraria Tschlin SA ha l'onn 2021 purtà cifras da record. Malgrà la gastronomia serrada a l'entschatta da l'onn ha l'interpresa vendì l'onn passà 2'705 hectoliters biera. Quai surpassa la media dals davos tschintg onns per bunamain 1'000 hectoliters, scriva l'interpresa.

Vinavant vul la Bieraria Tschlin SA lavurar pli intensiv ensemen cun la Doppelleu Boxer SA. Perquai haja la radunanza generala da la Bieraria Tschlin elegì il directur da la Doppelleu Boxer, Philip Bucher, sco nov president dal cussegl administrativ da la bieraria. Er da nov part dal gremi fa il mainagestiun Reto Rauch. Demissiunà han Andrea Gilli e Manuela Ruinatscha.

RTR novitads 20:00

Artitgels legids il pli savens