audio
Bunura: Act da vandalissem a Scuol
ord Actualitad dals 26.06.2017.
laschar ir. Durada: 2 minutas 21 Secundas.
Duas giadas han nunenconuschents demolì infrastructura publica e quai adina la fin d’emna. La vischnanca da Scuol ha perquai annunzià ils cas tar la Polizia chantunala.
Bancs da seser, saivs ed oravant tut las pitschnas chamonas, vul dir las tualettas per lung la senda da chaminar da Scuol en direcziun Nairs èn pertutgads.
Donns da sprayer
Ils pli gronds donns èn quels vid las fatschadas da las tualettas. Quellas èn vegnidas coluradas cun vapurisaders. L’autezza dal donn è anc nunenconuschent, la vischnanca è vidlonder d'analisar la situaziun.
Cun l’annunzia tar la Polizia chantunala spera la vischnanca da vegnir in pass enavant e da chattar ils delinquents.
Betg l'emprima giada ch'il vandalissem fatschenta a Scuol:
video
Già l'onn 2004 in tema a Scuol
Or da RTR dals 15.11.2004.
laschar ir. Durada: 2 minutas 7 Secundas.
