Siglir tar il cuntegn

Engiadina Valsot sbitta il rintg da maschinas forestalas

Il suveran da Valsot ha decis la gievgia saira cun gronda maioritad da na betg vulair sa participar al rintg da maschinas forestalas cun las vischnancas da Zernez e da Scuol.

Ina maschina da guaud durant la lavur.
Legenda: Processur da guaud Ina maschina da guaud durant la lavur. RTR, H. Schär

Sin la proposta d’in possessur d’ina interpresa forestala ha votà la radunanza cun 34 envers 27 vuschs cunter la participaziun vi dal «Rinch da maschinas forestalas Engiadina Bassa».

Las vischnancas da Zernez e da Scuol avevan gia concedì mintgin in credit da 150’000 francs per fundar e gestir il rintg da maschinas. Era senza il sustegn da la vischnanca da Valsot vegnan Zernez e Scuol a fundar proximamain il rintg da maschinas. Previs è l’acquist da trais maschinas, in gru mobil, ina maschina cun processur ed in funiculara sin lunga distanza.