Siglir tar il cuntegn
cuntegn

Engiadina Valsot gratulescha via tabla ad Elena Könz

La vischnanca da Valsot ha onurà oz sia snowboardista Elena Könz cun ina tabla a l’entrada da la vischnanca. Ella gratulescha uschia a la sportista da 27 onns per daventar campiunessa mundiala en la categoria «Big Air» e l’elecziun sco «sportista grischuna da l’onn 2015».

Radund 100 persunas èn stadas preschentas a l’act festiv ed han uschia gist pudair gratular persunalmain ad Elena Könz. Ina da quellas persunas è era stà il president communal da Valsot, Victor Peer ch’ha era gist tegnì in pled en onur da la campiunessa mundiala e sportista grischuna da l’onn 2015, Elena Könz.