La radunanza communala da Valsot ha ditg gea venderdi saira ad in credit da 630'000 francs per cumprar ina chasa da las Ovras electricas d'Engiadina, rapporta l'Agentura da novitads rumantscha. La chasa vul ins affittar a l'interpresa Biera da Tschlin. Uschia po la Biera da Tschlin optimar ils process da producziun ed ils process da logistica. La radunanza communala ha ditg gea al credit per cumprar la chasa cun 39 cunter 11 vuschs.
En pli ha Valsot era ditg gea als novs statuts da la regiun Engiadina Bassa Val Müstair. Quels statuts duain ir en vigur per l'onn 2016.
