Dapi curt datti en la Val Müstair, pli exact en il territori da skis Minschuns – in nov implant per trenar da spendrar persunas da lavinas. Quel permettia da duvrar l'equipament d'urdains d'urgenza sut cundiziuns quasi realisticas – scriva la Biosfera Val Müstair.
Trenar cun agen equipament
Scenaris simpels e cumplex cun persunas sutterradas pon interessads exercitar cun l'agen equipament. Quai pon esser apparats da tschertgar disgraziads en lavinas (LVS) u sondas per lavinas. L'implant è avert l'entira stagiun d'enviern ed è public e gratuit.
audio
Val Müstair: indriz da lavinas a Minschuns
ord Actualitad dals 12.01.2021.
laschar ir. Durada: 2 minutas 52 Secundas.
Il nov implant per trenar da spendrar persunas da lavinas è in project dal parc natiral Biosfera Val Müstair, cun sustegn da la vischnanca Val Müstair, dal territori da skis Minschuns ed ulteriurs sponsurs.