Siglir tar il cuntegn
cuntegn

Engiadina Val Müstair: Project da construcziun per Alp Sprella

Avant bunamain 10 onns ha il Club alpin Svizzer cumprà l’Alp Sprella per midar ella en ina chamona da CAS. Il 2010 è vegnida inoltrada l’emprima dumonda da construcziun. Differentas organisaziun da l’ambient han sin quai fatg recurs. Suenter quasi 6 onns po vegnir inoltrada la segunda dumonda.

la fatscha vers süd dal projacr Alp Sprella.
Legenda: Il project Alp Sprella Val Mora. MAD

Il project ch'è vegnì inoltrà uss è cumpareglià cun quel d'avant set onns redimensiunà: Da quella giada 70 letgs giu sin 54 letgs. Il segund punct dispitaivel cun las organisaziuns da l’ambient era da tegnair avert la chamona er sur enviern. Tenor in nov project èsi previs da serrar la chamona sur enviern.

Ils uffizis chantunals vesan positiv quel project

Tenor Heinz Gross, il president dal club alpin Svizzer secziun Engiadina Bassa e Val Müstair, vegn sustegnì quest project en questa furma da pliras varts.

Uschia è il biro central dal CAS a Berna per il project ed er dals uffizi chantunals èn vegnids signals positivs. Co che las organisaziuns da l’ambient reageschan n'è anc betg enconuschent. Malgrà tscherts discurs che han gì lieu oravant n'han quellas anc betg prendì posiziun.

RR actualitad 07:00