Siglir tar il cuntegn
Inhalt

Engiadina Val Müstair – nova speranza per turissem ed economia

La regenza grischuna ha approvà la revisiun da la planisaziun locala en la vischnanca da Müstair. Uss po l'areal da l'hotel Central a Valchava en Val Müstair realisar ses project d’ina nova lodge. Ed era la firma indigena Li&Co SA po construir dus edifizis da producziun.

L'areal dal hotel Central a Valchava.
Legenda: Planisà è ina lodge dasper l'hotel Central a Valchava. mad

En la Val Müstair pon uss dus projects vegnir realisads. Uschia è planisà sin l’areal da l'hotel Central a Valchava in project cun ina lodge. Per quest intent sto la via d’avertura planisada vegnir spustada, scriva la regenza grischuna.

L'areal da l'interpresa Li&Co SA.
Legenda: L'interpresa indigena planisescha dus edifizis da producziun. mad

Dus edifizis da producziun

Sin l’areal «Palü Daint» vul l’interpresa Li&Co SA realisar dus novs bajetgs da producziun. Pervi dal pauc plaz e per far plaz a las maschinas èn uss previs dus cubus sin duas auzadas. Quels vegnan alura realisadas en quatter etappas, communitgescha la regenza grischuna. L'interpresa è spezialisada sin la producziun da palantschieus.

RR novitads 09:00