Siglir tar il cuntegn
Inhalt

Engiadina Val Müstair di gea al resort la «Sassa»

La Val Müstair ha ditg gea a l'urna al projects dal resort da vacanzas la «Sassa» e da la pendiculara da Minschuns.

Legende: Video La Val Müstair ha confermà sia voluntad abspielen. Laufzeit 01:36 Minuten.
Or da RTR dals 12.02.2017.

Votantas e votans da la vischnanca Val Müstair han ditg gea a las quatter propostas da la suprastanza.

  • Al contract da vendita da terren (544 gea - 349 na)
  • Al transferiment dal retgav ord la vendita dal terren, quai èn 1,7 milliuns francs, als Implants da sport SA Val Müstair (538 gea - 356 na)
  • A la donaziun a fond perdu dad 1,3 milliuns francs a favur dals Implants da sport SA Val Müstair 533 gea - 366 na).
  • Ed a la garanzia da deficit per l'imprest d'in credit da l'uffizi per economia e turissem dal Grischun dad 1,4 milliuns francs (536 gea - 364 na).
Project la Sassa en Val Müstair.
Legenda: Project la Sassa en Val Müstair. Th. Domenig

Referendum

La radunanza haveva approvà las propostas da la suprastanza cun var 80 pertschient da las vuschs. Encunter questa decesiun è silsuenter vegnì inoltrà in referendum. Quest fatg ha sforzà la vischnanca da Val Müstair d’organisar ina votaziun a l’urna.

Questa votaziun ha ussa mussà ina differenza, empè da 80% “gea” en ussa mo 60% da las vuschs entradas per la realisaziun dal project la Sassa.

Ils aderents èn cuntents cul resultat. Malgrà il naufragi èn ils adversaris persvadì che’l referendum era giustifitgà, uschia ha la populaziun pudì far in purtret realistic dal project.

RR actualitad 14:00