Siglir tar il cuntegn

Header

cuntegn

Engiadina Val Bregaglia Trail sto anc sa sviluppar ad in plus per la Val

280 curriders èn sa participads a la cursa cun partenza ed arriv a Chiavenna. Alternativ han ins pudì partir per la mesa cursa a Promontogno in Val Bregaglia, ni sa participar sco staffetta sin l'entir traject. La gronda part dals participants eran Talians.

audio
Mezdi: Bregaglia - trail running Italia/Svizra tge avegnir?
ord Actualitad dals 27.04.2016.
laschar ir. Durada: 2 minutas 30 Secundas.

Quai vul l'organisaziun turistica da la Val Bregaglia sche pussaivel midar. Quest onn na saja la destinaziun da vart Svizra betg stada involvida fermamain en l'organisaziun, di il directur da la destinaziun Michael Kirchner.

Els hajan bain fatg reclama, ma en l'avegnir vulessan els gugent collavurar pli stretg cun il comité d'organisaziun.

Quest comité sa cumpona or da persunas da vart taliana e svizra.

L’eveniment ha in grond potenzial per nossa regiun, sche bain i grategia da sviluppar vinavant el.
Autur: Michael Kirchner Directur destinaziun da turissem Val Bregaglia

La finamira da vart turistica stoppia tenor Michael Kirchner esser da generar pernottaziuns en Val Bregaglia, da procurar per entradas tar restaurants ed auters furniturs cun il «Val Bregaglia Trail». Quest onn era quai strusch il cas. La cursa ha gì lieu durant in di. La Val Bregaglia fa bain part dal traject, ils curriders èn però mo currids atras la regiun.

In video fatg dal Radio TSN TeleSondrioNews

Artitgels legids il pli savens