Siglir tar il cuntegn

Header

cuntegn

Engiadina Urs Wohler ha bandunà l’Engiadina Bassa

Suenter 11 onns sco directur dal turissem en Engiadina Bassa ha Urs Wohler bandunà la fin da december 2016 la destinaziun Scuol Samignun Val Müstair.

audio
Bunura: Urs Wohler ha bandunà Scuol
ord Actualitad dals 10.01.2017.
laschar ir. Durada: 4 minutas 22 Secundas.

Il mais da zercladur 2005 aveva Urs Wohler cumenzà sco directur da turissem, quella giada anc dad Engiadina Scuol. Uss, 11 onns pli tard, ha el bandunà la destinaziun turistica fusiunada cun Scuol, Samignun e Val Müstair.

Quella fusiun da las trais regiuns ha accumpagnà Urs Wohler in lung temp da sia carriera sco directur – saja quai per la preparaziun sin la fusiun sco era suenter en la realisaziun dad ella.

Uss è el il nov directur da la funiculara Niesen

A partir dals 3 da schaner è Urs Wohler il nov directur da la funiculara da Niesen en la Part Sura Bernaisa. Ma fin che Martina Stadler, la nova directura da Scuol, Samignun e Val Müstair cumenza l'emprim da matg 2017, turna Urs Wohler adina puspè en Engiadina.

Ensemen cun Niculin Meyer, ch'è uss directur ad interim, pon els lura surdar l'incumbensa a la directura da turissem nova.

RR actualitad 07:00

Artitgels legids il pli savens