Siglir tar il cuntegn

Engiadina Urs Wohler banduna l'Engiadina Bassa

Suenter 11 onns mida il directur da turissem da la TESSVM tar la Niesenbahn SA en la part sura Bernaisa. Ses post tar la destinaziun turistica Engiadina Bassa Scuol Samignun Val Müstair vegn liber sin la fin da l'onn 2016.

Legende: Video Demissiun nunspetgada abspielen. Laufzeit 1:38 Minuten.
Or da Actualitad video dals 22.06.2016.

I saja il dretg mument per far in proxim pass en sia carriera, argumentescha Wohler sia decisiun. Ils ultims onns sajan stads intensivs, ma interessants. La fasa d'erreger ina nov'organisaziun da management per la destinaziun turistica Engiadina Bassa Scuol Samnaun Val Müstair saja conclusa.

Enavos en sia patria

Urs Wohler turna en sia patria, la part sura Bernaisa. El daventa mainafatschenta da la Niesenbahn SA e surpiglia tranter auter la responsabladad per il marketing cumplett, vul dir da l'entir sectur da servetschs da la Niesenbahn SA.

Midada da structura

Durant il temp d'uffizi da Wohler èn las trais regiuns da vacanzas Engiadina Scuol, Samnaun e Val Müstair sa sviluppadas ad ina da las tschintg grondas destinaziuns turisticas grischunas.

Cussegl d'administraziun deplorescha

Il Cussegl d'administraziun da la TESSVM deplorescha la decisziun da Urs Wohler. El ha dentant er chapientscha per quest pass. Wohler haja prestà lavur custaivla per la destinaziun. La plazza da Wohler vegn scritta or en il decurs da las proximas emnas.

RR novitads 16:00