Siglir tar il cuntegn
Inhalt

Engiadina Urs a Zernez

La dumengia passada è vegnì observà en il conturn da Zernez in urs. Quai conferma l’Uffizi da chatscha e pestga dal Grischun.

Fastizs en la naiv d'in urs.
Legenda: Ils fastizs d'in urs dad enturn 2 enfin 3 onns. Uffizi da chatscha e pestga dal Grischun

A Munt Baselgia, ina regiun tranter Zernez e Susch han ins dumengia passada pudì observar in urs. Sche quai sa tracta d’in urs enconuschent a las autoritads Talianas e Svizras, n’è dentant anc betg confermà. Tenor ils fastizs pudessa sa tractar d’in urs da 2 enfin 3 onns, uschia Guolf Denoth, schef guardiaselvaschina Engiadina Bassa / Val Müstair.

Maletg din urs che è vegnì fotografà durant la notg dad ina trapla fotografica.
Legenda: Pli probabel il medem urs che è vegnì vis la dumengia passada a Zernez. Parc Naziunal Svizzer

Urs gia pli ditg en Engiadina

Sco che Hans Lozza, pledader dal Parc Naziunal Svizzer ha ditg sin dumonda dad RTR saja l’urs sco i para gia pli ditg en l’Engiadina. El è numnadamain vegnì fotografà la gievgia passada sin ina da las traplas fotograficas dal Parc Naziunal Svizzer e quai en vischinanza dal Pass dal Fuorn.

Nua che l'urs sa chatta actualmain na pon ins betg dir per il mument.

RR novitads 12:00