Siglir tar il cuntegn

Engiadina Ultim suspir da la Bellaria grazia ad in'installaziun d’art

La Bellaria è vegnida fabritgada dal 1900 da l’architect Nicolaus Hartmann sco «scola igienica», pli tard è ella stada ina colonia per uffants da la citad da Turitg. L’edifizi sa chatta a la fin da ses ciclus.

Legende: Video Installaziun d'art "Bellaria" abspielen. Laufzeit 2:20 Minuten.
Dals 19.08.2015.

Proximamain avess l’edifizi da vegnir demolì per dar spazi ad ina nova partiziun da wellness per in hotel.

Entant è la chasa anc en possess da la vischnanca da Zuoz. Quella ha era dà la lubientscha a l’artista da realisar in’installaziun cun objects che Manuela Dorsa ha chattà en la Bellaria. Il visitader na chatta betg sin l’emprima egliada in’ovra finida, mabain el ha da scuvrir, avrind e serrond las portas, las differentas structuras da la chesa.

L’exposiziun da Manuela Dorsa «Oggetti smarriti» è anc averta fin ils 29 d’avust.