Siglir tar il cuntegn

Header

cuntegn

Engiadina Ulteriuras 450 pitgas electricas svaneschan en Engiadina Bassa

Fin l'onn 2020 mettan las Ouvras Electricas d'Engiadina tut las lingias dal provediment electric da Pradella fin Bever sut terra. En collavuraziun cun Energia Engiadina vegn uss er fatg il medem cun la lingia da Pradella a Martina.

Dapi l'onn passà èn las Ouvras Electricas d'Engiadina SA (OEE) londervi da remplazzar lur lingias libras cun lingias sutterranas. Cun quest project han las vischnancas e lur ovras electricas gist er la pussaivladad da metter lingias vidas en ils stgavaments. En quellas pon vegnir tratgas en, tant ils cabels per il provediment electric sco er cabels da fibra da vaider per la telecommunicaziun.

Tranter Pradella e Martina n'era betg previs da remplazzar la lingia libra da 15 km cun ina lingia sutterrana. Uss han las OEE e la EE decis, ch'il foss che l'EE ha per part gia chavà, possia vegnir duvrà er per metter sut terra la lingia da 16 kilovolts da las OEE. Dacurt han las duas interpresas suttascrit ina cunvegna correspundenta.

Na betg sulettamain la cuntrada profita che 450 pitgas electricas svaneschan en Engiadina Bassa, er il provediment da forza electrica vegn uschia meglierà considerablamain. Previs èsi che questas lavurs pon vegnir terminadas fin il 2020.

audio
450 pitgas electricas svaneschan en Engiadina Bassa
ord Actualitad dals 12.03.2018.
laschar ir. Durada: 48 Secundas.

RR novitads 12:00

Artitgels legids il pli savens