Siglir tar il cuntegn

Engiadina Ulteriur gea a nova organisaziun dal turissem

Suenter Bregaglia, Segl e Bever è Puntraschigna uschia la quarta vischnanca ch'approvescha la fundaziun da la nova organisaziun turistica d'Engiadin'Ota.

Il vitg da Puntraschigna
Legenda: Puntraschigna ha approvà la fundaziun da la nova organisaziun turistica d'Engiadin'Ota. Keystone

La radunanza communala da Puntraschigna di gea unanimamain a la nova organisaziun turistica en Engiadin'Ota. Puntraschigna duai sa participar a partir dal 2018 cun 1.548 milliuns francs als cuosts annuals da la societad.

La reorganisaziun dal turissem en Engiadin'Ota è necessaria cun quai che il circul vegn abolì e na po uschia betg pli esser l'organisaziun purtadra per il turissem.

2,8 milliuns per renovar «La Resgia»

Plinavant ha la radunanza communala da Puntraschigna approvà la renovaziun dal lavuratori communal «Resgia» ed ha concedì persuenter il credit necessari da 2,8 milliuns francs.Il lavuratori communal da Puntraschigna po uschia vegnir renovà.

RR novitads 23.00