Siglir tar il cuntegn
Inhalt

Engiadina Tuttina «Trü» sco soluziun a media vista

La vischnanca da Scuol tschertga in locatari per la disco Trü. Quella disco ch'è serrada dapi il 2010, quai pervia da la canera.

Legende: Video Vischnanca da Scuol vul avrir disco «Trü» abspielen. Laufzeit 02:27 Minuten.
Or da Telesguard dals 27.06.2017.

Las sis uniuns da giuventetgnas da Scuol e fracziuns han inoltrà ina petiziun che pretenda ina nova soluziun per ina disco a Scuol. Ussa pari da dar moviment en chaussa. La vischnanca da Scuol è en tschertga d’in locatari per la disco Trü.

Tenor il president communal Christian Fanzun sa tracti tar questa varianta d’ina soluziun a media vista. La vischnanca prevesa d’avrir las portas la proxima stagiun d’enviern. Cun il nov locatari stoppia la vischnanca en emprima lingia discutar davart las mesiras per diminuir la canera. Quai oravant tut cura che la giuventetgna bandunia la disco per ir a chasa.

A lunga vista vul la vischnanca però chattar ina soluziun definitiva. Duas variantas sajan sin maisa. Il president communal è en tractativas cun las sis uniuns da giuventetgna. Actualmain na dastga el però anc betg tradir ils detagls.

Curdin Tomas, in dals iniziants da la petiziun, è cuntent cun il proceder da la vischnanca. Els na prevesan perquai betg ch'i fa da basegn d’instradar ulteriurs pass.

RR actualitad 11:30