Siglir tar il cuntegn

Header

cuntegn

Engiadina Turissem regiun Malögia: Nova furma d'organisaziun è concreta

La conferenza da presidents da la regiun Malögia ha surlavurà il text da consultaziun pertutgant la «Engadin St.Moritz Tourismus AG» – la nova structura dal turissem per la regiun Malögia a partir dal 2018.

Tar la procedura da participaziun èn vegnidas inoltradas 28 posiziuns. La conferenza ha evaluà, discutà ed integrà tscherts puncts en la missiva.

Nagins midaments signifitgants

Per gronda part resta il text sco avant la procedura da consultaziun. Cler èsi uss ch’i vegn a dar ina societad acziunara cun il num «Engadin St.Moritz Tourismus AG». Il preventiv per il marketing vegn scursanì per 2 milliuns francs. Las vischnancas ston sa participar a l’organisaziun tenor la clav da repartiziun.

audio
Mezdi: DMO Engiadin'Ota - nova furma è uss concreta
ord Actualitad dals 18.12.2015.
laschar ir. Durada: 3 minutas 37 Secundas.

Votaziun ha lieu il zercladur 2016

Il schaner ha lieu in’infurmaziun per la populaziun davart la missiva. La finamira èsi tenor Sigi Asprion, che presidiescha la conferenza da presidents, da gia lura pudair preschentar nums pussaivels per las persunas dal cussegl administrativ da la societad acziunara. La stad 2016 duain il cussegl administrativ - e cun quai era la societad d’aczias - esser furmads.

Il zercladur duain perquai avair lieu las votaziuns en tut las 12 vischnancas da la regiun Malögia davart la missiva per la nova structura da la destinaziun da turissem regiun Malögia, la «Engadin St.Moritz Tourismus AG».

RR novitads 11:00

Artitgels legids il pli savens