Siglir tar il cuntegn

Header

cuntegn

Engiadina Tschorvadad da chamutschs pretenda mesiras

La vart sanestra da la Val Suvretta da San Murezzan è serrada per sportists d'enviern per il rest da la stagiun. Quai per schanegiar ils chamutschs che pateschan da la tschorvadad da chamutschs.

La suprastanza da San Murezzan ha perquai decidì, da scumandar l’access a la vart sanestra da la Val Suvretta da San Murezzan per sportists d’enviern. Quai enfin la fin d’avrigl.

Motiv è che differents chamutschs en questa

costa pateschan da la tschorvadad da chamutschs. Ina malatia che pretenda ch'ils animals survegnan il ruaus maximal pussaivel. Mo uschia han els ina schanza da surviver l’enviern.

Malsogna po guarir

Sch'ils chamutschs na vegnan betg disturbads, han els schanzas da guarir. La tschorvadad po svanir entaifer 2 u 3 mais, ella po dentant era avair ina fin mortala, tut tenor en tge stadi ch’ella è. Sch'ils egls schloppan, ston ils guardiaselvaschinas schluppettar ils chamutschs.

L’egl d’in chamutsch tutgà da la tschorvadad da chamutschs.
Legenda: L’egl d’in chamutsch tutgà da la tschorvadad da chamutschs. mad

Artitgels legids il pli savens