Siglir tar il cuntegn

Header

cuntegn

Tratgas tipicas engiadinaisas «Dapli paintg e meglier ch’i gusta»

Las tratgas che vegnivan sin maisa pli baud èn anc uss bain enconuschents en Engiadina. Menus simpels, savens pesants causa il paintg che vegniva duvrà. Tatsch, spetg, micluns, schuppa da giutta u era il «plain in pigna» – tut buntads che vegnan anc oz adina puspè sin maisa sco tratgas tipicas engiadinaisas. Er en la famiglia da Victoria Camichel-Fümm da Bever. Dentant deva er plats pli simpels sco per exempel «ris e versa».

Cun ris e versa avevan nus gist in menu simpel, cumplet e sanadaivel sin il plat.
Autur: Victoria Camichel-Fümm dunna pensiunada da Bever
Legenda: Victoria Camichel cuschina anc adina mintgadi gentar per sia famiglia. RTR, Anna Caprez

Mangià vegniva simplamain quai ch’ins aveva en chasa. Savens tartuffels en ina u l’autra variaziun. Sco uffants n’hajan els dentant mai patì fom u n'era betg badà insatge che las vivondas eran raziunalisadas, agiuntescha la dunna dad 86 onns che è creschida si cun quatter fragliuns.

audio
Victoria Camichel fa tratgas tipicas engiadinaisas
03:27 min, Actualitad dals 13.10.2021.
laschar ir. Durada: 03:27 minutas.

Damain paintg e groma

Emprendì a cuschinar ha «dunna Vica» sco ch’ella vegn numnada a Bever, dad ina cuschiniera dals von Salis. Ed ella prepara anc adina gugent las tipicas tratgas engiadinaisas. Dentant dovria ella entant bler damain paintg cun cuschinar, pia pli sanadaivel.

RTR actualitad 08:00

Artitgels legids il pli savens

Scrollar a sanestra Scrollar a dretga