Las interpresas vulan nizzegiar communablamain las fermezzas da las singulas pasternarias. La finamira da quest partenadi saja da rinforzar l'auta qualitad e la tradiziun engiadinaisa, uschia Claudio Kochendörfer da la pasternaria Kochendörfer.
- Las spezialitads da la pasternaria Kochendörfer a la fin da la vischnanca da Puntraschigna èn sias turtas da nuschs engiadinaisas originalas e bleras sorts da paun.
- La pastizaria Gianottis en il center da Puntraschigna è sa spezialisada sin creaziuns da tschigulatta ed ha in resun naziunal cun quellas.
- La conditoria Hauser en il cor da San Murezzan è cunzunt enconuschenta e stimada da giasts ed indigens per las buna turtas.
Crescher saja pli simpel en trais che sulet
Cunquai ch'ins sappia cumprar las spezialitads en tuttas trais furnarias davent dal december, duai era l'originalitad dals products vegnir accentuada. A lunga vista speran ils partenaris da far enconuschentas las spezialitads er ordaifer la val. La finamira fiss in'utilisaziun da la capacitad da las furnarias pli intensiva e betg dependenta da la stagiun. E quai saja pli simpel da cuntanscher en trais che sulet, uschia Markus Hauser.
Da quai duain era ils collavuraturs profitar. Roman Kling da Gianottis declera ch'els veglian mantegnair ed stgaffir plazzas da lavur.
RR novitads 11:00