Siglir tar il cuntegn

Engiadina Tour de Suisse 2017 sa ferma puspè en l'Engiadina

La cursa da velos tras la Svizra sa ferma proxim onn a La Punt Chamues-ch e parta il di suenter davent da Zernez.

Il contract è sut tetg: Fabian Schorta (coordinatur Zernez), Seraina Bickel (suprastanta Zernez), Olivier Senn (directur TdS), Emil Müller (president Zernez), Urs Niederegger (president Club 92 Engiadina), Sandro Viletta (champiun olimpic La Punt) Ralph Böse (La Punt vacanzas)
Legenda: Il contract è sut tetg: Fabian Schorta (coordinatur Zernez), Seraina Bickel (suprastanta Zernez), Olivier Senn (directur TdS), Emil Müller (president Zernez), Urs Niederegger (president Club 92 Engiadina), Sandro Viletta (champiun olimpic La Punt) Ralph Böse (La Punt vacanzas) mad

La Punt Chamues-ch po beneventar gia per la 8avla giada ils sportists e tut l’organisaziun enturn il Tour de Suisse en Engiadina. Iniziant dal lieu d’etappa è dapi blers onns il «Club 92 Engiadina» ch’era vegnì fundà aposta per organisar l’arriv da la cursa da velo. L’ultima giada ha il Tour de Suisse sa fermà l’onn 2013 en Engiadina.

Nus organisain mintga 3-4 onns in arriv d’etappa a La Punt Chamues-ch
Autur: Urs Niedereggerpresident Club 92 Engiadina

Suenter ina pernottaziun en Engiadina, vegn dischlochescha l'entira caravana vers l’Engiadina Bassa, nua che la proxima etappa parta davent da Zernez.

Ils dus lieus d’etappa en Engiadina porschan a l’organisaziun dal Tour de Suisse la pussaivladad d’integrar etappas da muntogna e trajects pretensius ed attractivs per ils sportists. Sco quai che l’organisaziun scriva, hajan ils partenaris da La Punt, Zernez e da l’organisaziun dal Tour de Suisse suttascrit ils contracts ils 6 d’avrigl 2016.

Il Tour de Suisse cumenza quest onn ils 11 da zercladur a Baar en il chantun Zug e finescha in’emna pli tard a Tavau-Claustra.