Siglir tar il cuntegn

Header

Navigaziun

Kurt Betschart, il directur tecnic da la Tour de Suisse infurma a las medias sur dal stadi 'organisaziun da la Tour de Suisse
Legenda: Kurt Betschart, il directur tecnic da la Tour de Suisse infurma a las medias sur dal stadi 'organisaziun da la Tour de Suisse RTR, G. Luzzi
cuntegn

Engiadina Tour de Suisse 2017 en Engiadina

L’etappa roiala da la Tour de Suisse finescha quest’on a La Punt Chamues-ch. Ils 15 e 16 da zercladur sa chattan uschia var 176 ciclists en l'Engiadina.

Dapli il 1992 è la vischnanca da La Punt gia per la 8avla giada la destinaziun finala d’in etappa da la pli gronda cursa da velo en Svizra. L’etappa roiala cumenza a Locarno, suenter 40 kilometers relativmain planivs han ils curridurs da superar gist dus pass, l'emprim il pass dalSan Bernardino e lura anc il pass da l'Alvra en l'Engiadina – totalmain 166.7 kilometers.

La davos'etappa da Zernez enfin Sölden

La davos etappa cumenza lura il proxim di a Zernez, lung l’Engiadina enfin a Tiefenbachferner en vischinanza da Sölden (Italia), in’etappa da 166.3 kilometers.

1 milliun aspectaturs

La Tour de Suisse è il pli grond event da sport in Svizra. El attira mintg’on radund 1 milliun aspectaturs lung al traject da 1166 kilometers e 17490 meter d’autezza.