Il comité d’organisaziun dal Tour de Ski Val Müstair avess spetgà pli baud ina resposta definitiva da la vischnanca. La vischnanca percunter aveva decis da sustegnair ma suttametter la dumonda da radund 300’000 francs a la radunanza communala. Il comité n'ha betg vulì spetgar sin quella decisiun, tenor il president dal Tour de Ski Guido Mittner, memia tard. Els han decis da tschertgar sponsurs privats ed era gì success.
Amis indigens ed era d’utrò dal Tour de Skis han surpiglià la gronda part da las finanzas. Il Tour de Skis 2022/23 e segirà.
A l’ultima sesida da la suprastanza communala da Val Müstair han els decis da metter a disposiziun localitads ed er in lavurer communal per organisar quest event. Ina cunvegna tranter ils dus partenaris duess sclerir la collavuraziun e finanzas per evitar malenclegientschas.
