Siglir tar il cuntegn

Engiadina To be or not to be - a freak

Renato Vitalini ha 38 onns, maina l'hotel Curuna a Scuol e fa daspera pertgas per pestgar cun mustgas. Dapi radund 4 onns è quai sia gronda passiun. Stgaffir sez insatge unic ed alura pudair surdar quai ad insatgi che ha grond gust. Mintga pertga che Vitalini fa è numnadamain unica, individuala.

Blau, verd, pink cun in muster ni senza - Renato Vitalini piglia encunter ed accumplescha tut ils giavischs sche quai va per ina pertga da pestgar cun mustga. El è sez in pestgader passiunà ed ha perquai avant intgins onns cumenzà da far pertgas.

Jau hai in talent spezial per rumper pertgas. Adina laschar reparar custa temp e raps, perquai ha jau cumenzà da far sez ellas.
Autur: Renato VitaliniV-Stick
Legende: Video Tgi è Renato Vitalini? abspielen. Laufzeit 00:49 Minuten.
Or da RTR dals 28.04.2016.

Oz è l'ufficina da V-Stick, il link avra en ina nova fanestra betg mo lieu da lavur, ma era il lieu nua che Renato Vitalini chatta ruaus. Qua passenta el bleras uras, cun lavurar ma qua e là era simplamain cun in magiel vin.

Chattar or cun il client tge che quest vul è l'emprim pass. Suenter vai vi da la lavur manuala

Radund 10 uras dovra Renato Vitalini per far ina pertga. 10 uras - quai vul dentant dir senza quintar tut il temp per procurar il material, spetgar cha la colla è sitga ni tut ils pass sper la vaira lavur vi da la pertga.