Siglir tar il cuntegn

Engiadina Tgi era Alberto Giacometti – parents ed amis raquintan

Sculptur, pictur e graficher, quai è Alberto Giacometti. In um enconuschent sur ils cunfins che ha influenzà l’art modern l’ultim tschientaner.

Legenda: Guardar il video «Amis e parents da l'artist discurran da lur Alberto Giacometti». Durada 4:03 minutas.
Or da Telesguard dals 15.09.2016.

Reuniun istorica

En connex cun l’exposiziun dals cudeschs d’art «Les livres d’art de Alberto Giacometti» ha il curatur Chasper Pult envidà tschintg persunalitads ch'eran datiers ad Alberto Giacometti.

Il cusrin e figliol Giacomo Dolfi raquinta da la part famigliara, il model preferì Nelda Negrini sur da la relaziun, il collega sculptur e pictur Gian Pedretti ensemen cul commerziant d’art Eberhard W. Kornfeld anecdotas da la collavuraziun.

Legenda: Guardar il video «Tgi era Alberto Giacometti - parents ed amis raquintan». Durada 99:00 minutas.
Dals 16.09.2016.

Alberto Giacometti

Alberto Giacometti è naschì il 1901 a Borgonovo (Bregaglia) sco emprim da quatter uffants. Ses bab ha mussà ad el da dissegnar e modellar ed uschia ha el survegnì plaschair da l’art modern. Suenter in studi d’art e divers viadis da studi ha Alberto Giacometti per gronda part vivì a Paris nua ch'el ha cuntanschì in renum internaziunal. Il 1966 è mort Alberto Giacometti en l'ospital da Cuira.