Siglir tar il cuntegn

Header

Navigaziun

Gian Franco Kasper e Bernhard Russi.
Legenda: Gian Franco Kasper e Bernhard Russi èn la discussiun dal «Dorfgespräch». RTR, V. Rominger
cuntegn

Engiadina «Tge sche betg il sport da skis è il futur da l’Engiadina!»

A chaschun dal «Dorfgespräch» a San Murezzan era la dumonda centrala, schebain il sport dal ski alpin saja (anc) noss futur. Per omadus giasts Gian Franco Kasper e Bernhard Russi era a la fin da la saira da discussiun cler: gea, ls sport da skis è il futur.

Adina dapli, adina pli grond: uschia pudess ins descriver il svilup internaziunal che ha actualmain lieu sin il champ dal sport da skis, ha ditg Gian Franco Kasper. Cunzunt la China dettia extrem gas cun bajegiar adina pli bleras destinaziuns da skis.

Quai na saja dentant betg quai ch’i dovria dapertut. La Svizra, e cun quai era San Murezzan, stoppian puspè metter bler dapli sin la carta reclama. Qua dormia la Svizra, uschia Kasper.

Era Bernhard Russi è da l’avis, ch’il pli impurtant è avant maun. Ina fitg gronda purschida da pistas, blers territoris ed ina culissa ch’ins na sappia betg bajegiar, quella stoppian ins avair.