Tge n'ha betg funcziunà cun il Centro Tecnologico del Legno?

Cun in postulat vul il cussegl communal survegnir respostas sin questa ed ulteriuras dumondas. La balla è uss tar ils responsabels dal Centro Tecnologico del Legno che ston respunder las bundant 10 dumondas fin la fin da quest onn.

In edifizi d'industria da crap cun bleras portas - quai è il Centro Tecnologico del Legno a Poschiavo.

Legenda da maletgs: Enfin la fin da quest'onn duai vegnir sclerì tge che n'ha betg funcziunà cun il Centro Tecnologico del Legno a Poschi... RTR, Anna Caprez

Tranter auter vul il cussegl communal savair co la situaziun finanziala dal Centro Tecnologico del Legno è actualmain, quants curs cun quants students ch'èn insumma vegnids organisads ni tge pussibilitads per utilisar l'edifizi ch'i dess en l'avegnir. Dasper quai duain era vegnir scleridas las responsabladads pertge che la scola ha serrà sias portas suenter mo gist duas onns.

Enfin la fin da quest onn ston las dumondas esser sin maisa e pir suenter vul la vischnanca discutar sur da novs projects sco quel d'ina universitad da cuschinar.

Il cussegl communal ha acceptà il postulat dal PPS unanimamain. Da survegnir scleriment saja tant en l'interess da la vischnanca sco acziunaria sco era da la populaziun ch'ha deliberà 650'000 francs per il center.

RR novitads 17:00