Siglir tar il cuntegn

Header

video
La Tessanda sorta ord l’Uniun da Masteranza e Gastro Val Müstair
Or da Telesguard dals 01.11.2019.
laschar ir. Durada: 2 minutas 59 Secundas.
cuntegn

Tessanda sorta da l’UMG Tut ina chaussa da communicaziun

Tgi avess stuì communitgar cura? Las duas varts involvidas èn da differents avis.

L'october ha l’Uniun da Masteranza e Gastro Val Müstair (UMG) publitgà en il fegl uffizial da la Val Müstair in inserat per la candidatura da la presidenta da l'uniun Gabriella Binkert Bechetti sco cussegliera naziunala.

L'inserat en il mas-chalch da la Val Müstair in october 2019
Legenda: L'inserat en il mas-chalch da la Val Müstair l'october 2019. RTR, Armon Schlegel

Il punct da dispita è che l'uniun ha publitgà quest inserat senza dumandar ils radund 100 commembers. Ina interpresa è sinaquai sortida da la UMG.

La Tessanda Val Müstair ha disditg la commembranza

Tenor la suprastanza da la Manufactura Tessanda Val Müstair è la UMG obligada da dumandar a lur commembers sch’els dastgan far propaganda per ina persuna privata en il num da l'entira uniun. Tenor els n’è quest pass betg democratic, sco consequenza èn els sortids da l’Uniun.

audio
Tut ina chaussa da communicaziun
ord Actualitad dals 01.11.2019. Maletg: RTR, Dario Müller
laschar ir. Durada: 3 minutas 7 Secundas.

La posiziun da l’Uniun da Masteranza e Gastro

Tenor il vicepresident Perre-Renè Grond e quai usità ch'ina uniun dastga far reclama politica. Questa procedura è usitada era tar autras uniuns sco per exempel il Gastro Grischun. Per el èsi cler, quai saja plitost ina chaussa persunala tranter Gabriella Binkert Bechetti, l'anteriura manadra da la Tessanda e la suprastanza actuala da la Manufactura Tessanda Val Müstair. Quai è era l'opiniun da Gabriella Binkert Bechetti.

La presidenta e manadra da la Tessanda, Maya Repele, percunter dementescha quai. La democrazia funcziunia auter.

RR actualitad 17:45

Artitgels legids il pli savens