Siglir tar il cuntegn
cuntegn

Engiadina Tensiuns tar magistraglia da Valsot

Dus magisters da Valsot, la vischnanca fusiunada da Ramosch e Tschlin, han survegnì ina demissiun provisorica. 13 commembers da la magistraglia da la scola han sin quai repartì in fegl sgulant en las chasadas da la vischnanca.

La vischnanca da Ramosch durant l'enviern
Legenda: En la vischnanca da Valsot n'è betg tut ina idilla. ANR, F. Andry

Sco l’agentura da novitads rumantscha (ANR) scriva, han ils sutsegnads da la circulara exprimì en plirs puncts lur malcuntentientscha areguard la situaziun generala en scola ed en la vischnanca fusiunada.

Per il president communal da Valsot, Victor Peer n’è l’acziun da la magistraglia betg chapibla. La rinfatscha che la desditga saja ina decisiun persunala, na lascha el era betg valair.

Fin ils 18 da favrer hajan ils dus magisters anc temp da pigliar posiziun en chaussa. Suenter vulan ils dus gremis decider definitivamain davart las relaschadas da dus magisters en la scola da Valsot.