Las fracziuns Susch e Lavin tutgan tar la destinaziun Engiadina Scuol Samignun Val Müstair, la TESSVM. Las fracziuns da Zernez e Brail percunter tutgan tar la destinaziun Engiadina San Murezzan . La vischnanca da Zernez vul midar quai. L'entira vischnanca duai appartegnair be anc ad ina destinaziun, quai a partir dal prim da schaner 2019.
Concurrenza da las destinaziuns
Sco quai che la destinaziun Engiadina Scuol Samignun Val Müstair scriva, possian las duas destinaziuns da l'Engiadina preschentar mintgamai lur offerta per participar ubain a la destinaziun da l'Engiadin'Ota ubain a quella da l'Engiadina Bassa. Quai ad ina radunanza dals 21 da favrer 2018. La votaziun duai lura succeder l'avrigl.