Siglir tar il cuntegn
cuntegn

Engiadina Tadlar ils giavischs dals giuvens engiadinais

Mia Engiadina ha organisà ina sairada da discussiun cun la giuventetgna indigena. Jon Erni e Not Vital raquintan da lur success e lur return en Engiadina.

Ils protagonists n'avessan betg pudì esser pli differents: d'ina vart l'econom Jon Erni che deriva da la part tecnologica e da l’autra vart l’artist da renum internaziunal, Not Vital.

Ils radund 50 preschents, giuvens e vegls, han tadlà cun grond interess las duas istorgias cumplettamain diversas. Ma finalmain han omadus cuntanschì lur finamira sulettamain cun grond engaschament e passiun.

Nagins plans concrets

Oravant tut la giuventetgna ha pudì profitar dals raquints dals dus enconuschents protagonists, ma era dal pli giuven preschent sin il palc, da Nicola Roner che ha realisà in siemi cun avrir ina disco a Scuol.

L’intenziun era en prima lingia da motivar giuven e vegl da discurrer ensemen sur da problems actuals en la regiun, e quella finamira han ins accumplì. Sumegliantas sairas prevesian els perquai d’organisar era en avegnir, uschè il moderatur Not Carl.

RR actualitad 12:00