Ina giuria d’architects ha elegì l’object en Engiadina sco «construcziun da l’onn 2019». Sco quai che swiss-architects.com communitgescha sin sia pagina d'internet, hajan Chasper Schmidlin e Lukas Voellmy transmidà in’entira cumbinaziun dad edifizis en in museum modern. Quai cun resguardar l’istorgia dals bajetgs che va enavos fin en il 12avel tschientaner.
Gronda concurrenza
Als architects saja reussì da preservar la part istorica e da stgaffir il medem mument novas localitads d’exponer che correspundan als basegns d’ozendi. Tranter auter era vegnì allontanà passa 900 tonnas grip per la construcziun dal museum. En tut eran 50 projects en cursa. En l'ediziun actuala dal magazin, dals 6 da favrer 2020, vegn il project victur preschentà en detagl.
RTR Telesguard 17:40