Siglir tar il cuntegn

Header

cuntegn

Engiadina Sustegn per renovar ils rempars da lavinas a Zuoz

La regenza ha approvà in'emprima etappa dal project «Renovaziun dal rempar da lavinas Albanas» da la vischnanca da Zuoz cun in sustegn da maximalmain 3,67 milliuns francs.

En il rom da las inspecziuns annualas vi dals paralavinas sur Zuoz han ils responsabels gia avant in temp constatà donns vi da las construcziuns da betun. Quai communitgescha la chanzlia chantunala dal Grischun.

Il rempar da lavinas Albanas sa chatta sur il vitg da Zuoz e protegia il territori abità. Var 65 pertschient da las punts da naiv èn ovras da betun ch'èn vegnidas construidas ils onns 1950 e 1960.

Ils ultims onns èn quests donns s'augmentads uschè fitg, ch'i vegn ad esser necessari da remplazzar las construcziuns ils proxims onns. Perquai vegn il territori pertutgà segirà en in'emprima etappa cun rempars d'atschal d'ina lunghezza totala da circa 1,6 kilometers. Ultra da quai vegnan installads 5 rempars cunter scuflads. Ils custs per questa emprima etappa vegnan calculads cun 4,7 milliuns francs.

RR novitads 10:00

Artitgels legids il pli savens