Siglir tar il cuntegn
cuntegn

Engiadina Sustegn per l'idea dad ina halla da glatsch en Engiadin'Ota

L'uniun "Pro halla da glatsch Engiadina" vul mobilisar la publicitad en Engiadin'Ota per in project dad ina halla da glatsch regiunala u per in tet sin l'arena da Ludains a San Murezzan.

Legenda: Guardar il video Sustegn per l'idea dad ina halla da glatsch en Engiadin'Ota. Durada 02:17 minutas.
Or da Actualitad video dals 24.04.2015.

A San Murezzan è vegnida fundada l'uniun "Pro halla da glatsch Engiadina. L'uniun vul promover la realisaziun dad ina halla da glatsch regiunala u lura la fabrica dad in tet sin l'arena da glatsch Ludains a San Murezzan. Ils fundaturs han ditg envers Radiotelevisiun Svizra Rumantscha ch'els veglian far pressiun envers la politica regiunala da s'occupar tant pli spert da la tematica. L'uniun nova vul collavurar cun ina gruppa da lavur da la vischnanca da San Murezzan che s'occupa era dal tema.

Halla u tet fin dal 2018

Fin l'onn 2018 duai esser fabritgada ina halla da glatsch regiunala ubain in tet sin l'arena da Ludains. Quai è la finamira da l'uniun. Quai pervia che dal 2018 po festivar il club da hockey da San Murezzan ses giubileum da 100 onns.