Siglir tar il cuntegn

Header

cuntegn

Engiadina Sustegn finanzial per Santasana

Il chantun Grischun sustegna la nova purschida da sanadad e turissem en l'Engiadin'Ota, Santasana. Sco quai che l'uffizi per economia communitgescha survegnia la societad d'aczias da San Murezzan ina contribuziun dad 82’000 francs, quai en il rom da la nova politica regiunala.

Il chantun vesia en questa purschida dal turissem da sanadad in potenzial considerabel.

La purschida da Santasana sa drizza a giasts internaziunals e pazients cun problems dal cor, quai cun in program individual. Dasper instituziuns medicinalas coopereschan qua er partenaris da la hotellaria ed implants da sport e fitness.

RR actualitad 10:00

Artitgels legids il pli savens