Siglir tar il cuntegn

Header

video
Joga sin l’aua: Ina bell’alternativa en l’Engiadin’Ota
Or da sil punct dals 22.07.2022.
laschar ir. Durada: 1 minuta 55 Secundas.
cuntegn

SUP joga Il «salid al sulegl» sut tschiel avert

Normalmain fan ins joga en ina sala, sin in matta, en quietezza. A Silvaplauna pon ins far joga en il liber, sin l’aua dal lai, sin in’aissa da «stand up». Ina furma dal tuttafatg speziala che pretenda in bun equiliber ed ina buna musculatura fina dal corp, di l’instructura dal «SUP joga» Nina Rocha. Uschia hajan ins quasi la garanzia da betg crudar en l’aua da var 15 grads. Ils singuls exercizis da joga possia numnadamain mintgina e mintgin adattar a ses savair e pudair.

audio
Joga sin l’aua: Ina sfida pli gronda per chattar l’equiliber
ord Actualitad dals 22.07.2022.
laschar ir. Durada: 3 minutas 39 Secundas.

Esser en accord cun la natira

La fascinaziun dal joga sin l’aua saja il contact direct cun la natira, la quietezza e la culissa enturn il lai da Silvaplauna. E tenor Nina Rocha vegnian ins directamain en accord cun la natira e possia emblidar tut enturn sai.

Il 2013 aveva RTR rapportà da:

video
Yoga sin il lai da Silvaplauna
Or da L’archivar recumonda dals 21.07.2022.
laschar ir. Durada: 2 minutas 58 Secundas.

RTR actualitad 17:00

Artitgels legids il pli savens